الرئيسية
[25%] 
اخوتي و أخواتي أعضاء منتدى كوكتيل مان
الموضوع ده مفتوح للمناقشة ولكن قبل مشاركة أي حد فيكم أرجوا إنكم تصوتوا عشان نعرف رأي الجمهور ممثلاً فيكم كأعضاء لمنتدى الصقر المصري و إلي عددكم وأعماركم شجعوني على كده لإن معناها إن إحنا بناخد من شريحة واسعة عشان نعرف نقرر لإن ده مش سواق باص و لا إداري ده أكتر واحد لازمك يكون على اتصال مباشر مع اللاعيبة يفهمهم ويفهم قدراتهم و يخليهم يحترموه فالموضوع ده بيحتاج وقت عشان كده بيعتبر قرار مصيري
أنا كنت من أشد مشجعي البدري في البداية كمدرب وطني ومافيش أحسن من المدرب الوطني باقتناعي الكامل و طبعا تنائج حسام البدري لا تعمم على المدربين الوطنيين لكن زي ما حد هيقولي طيب ما هو البدري مدرب مصري عملنا إيه هقوله إنت بتبص لنص الكباية الفاضي عشان زي ما في حسام البدري ( أو حسام حسن إلي برضوا ما نجحش بس مش عايزة أعلق عليه بحكم إني أهلاوية و بخاف حد يقول أنا متحاملة عليه عموما) في كمان حسن شحاتة ومحمود الجوهري و كمان بعد كده
لما بدأت أخطائه تظهر كنت بقول نستنى عليه شوية أنا عن نفسي هستنى الموسم ده كله وبعدين أصدر قراري لإن إصدار الأحكام بسرعة أكبر خطأ و يترتب عليه إن الناس تقولك إنت متسرع و قراراتك غلط أو مش متزن
و ي نفس القوت برفض كمان مقارنته بجوزيه أو مانويل خوزيه بالبرتغالي لإن الراجل ده قعد 6 أو سبع سنين و ده بقاله موسم واحد وبداية التاني لكنني بقالي فترة برضوا بدأت أقلق منه حاسة إنه يمكن ما حسش اللعيبة أوي أو مش فاهم إمكانياتهم أو في حاجة غلط بس أنا مش عارفاها
بداية عنوان موضوعي مأخوذ من مقال لموقع ياللا كورة إلي شافوا إن معظم أو غالبية زوارهم بيقولوا لا للبدري
أنا مش عايزة شكر و مرور بس الشكر الحقيقي هي المشاركة برأيكم ونتناقش كلنا في كل رأي
موضوعنا إحنا مطالب منكم مناقشتي في أي كلمة قلتها لو شايفين حاجة
تشاركوا في التصويت وبعدين كل حد يكتب هو إختار إيه وليه
ولو كنت مكان إدارة النادي الأهلي و هتمشي البدري تختار مين من المدربين الموجودين حالياً في الدوري المصري (الموجودين حالياً بس سواء مصريين أو أجانب و تبرروا إختياركم)؟؟
و يا رب يكون نقاش حضاري و يعجبكم إنكم تناقشوني ويكون للموضوع زوار كتار
[ندعوك للتسجيل في المنتدى أو التعريف بنفسك لمعاينة هذه الصورة] ........................... تقبلوا تحياتي ..........................[ندعوك للتسجيل في المنتدى أو التعريف بنفسك لمعاينة هذه الصورة]
